Fundashon Fiansa Popular ta moviendo den bon direkshon!
Pronto FFP lo ta asina leu pa duna servisio na públiko atrobe.
Despues ku na 23 di Mart último Banko Sentral di Kòrsou i Sint Maarten (CBCS), a otorgá Fundashon Fiansa Popular (FFP) un konseshon nobo, hopi trabou a keda desplegá pa restrukturá i kuminsá duna servisio na públiko atrobe.
FFP, ke boble ofresé di forma aktivo su produktonan finansiero, di tal forma ku kumpradonan di kas di klase media i mas abou, tambe por adkerí un bibienda.
Mientras tantu hopi trabou ta wòrdu hasi pareu pa logra e meta aki,
I kaminda tin hopi trabou, riba un speed haltu, semper tin kosnan ku por bai robes òf ku no a tene kuenta kuné.
Nos kier pidi un diskulpa na tur pa ku e inkumbinensha ku kualke akshon di nos parti por a kousa.
Strukturashon FFP Nobo
Apesar ku a start un poko tumultoso, ta reuniendo tantu ku Gerensia di FKP i Sindikato pa regla e kondishonnan di trahado pa e FFP Nobo.
Mientras tantu a traha riba e "vastellingsovereenkomst" pa e empleadonan di FKP por traha mientras tantu pa FFP.
Aparte di esaki ya e personal a haña training i guía pa loke ta e aspektonan Bankario i Compliance.
Pa loke ta e parti di reglamentashon, a traha riba e dokumentashon nesesario pa reglamentá e trabounan rondó di dunamentu di fiansa.
Dokumentonan ku a produsí te ku awor ta:
- Kredietrichtlijnen FFP
- Gedragscode voor informatiebeveiliging FFP
- Informatiebeveiligingsbeleid FFP
Tin tambe un
- Bussinesplan di FFP
- Visie & Misie document voor Marketing doeleinden.
- I ta trahando riba un Huisstijl Handboek / Brandboek pa FFP.
Kantor nobo di FFP
Na e momentunan aki nos mester bisa ku nos ta den fullswing ku remodelashon di e edifisio na Scharlooweg 58 (Learning Center) pa esaki bira e kantor nobo di FFP.
Esaki pa motibu ku CBCS ta eksihí pa tene e operashonnan di FKP i FFP separá.
E remodelashon aki no ta bai sin su retonan.
No mester lubidá ku e edifisio aki tin mas di 100 aña i ku ela wòrdu remodelá na varios okashon pa un otro destino.
Kada remodelashon ta trese kuné ku e partinan di utilidat manera; pipa di awa, koriente, riolering ta kambia di lugá i tin bia mester a buska formanan kreativo pa pone esakinan ya komo ku no por otro.
Ta bin aserka ku nos ta den un tempu moderno i mester tin fasilidatnan di konekshonnan pa kompiuter, servers, wifi i telefòn.
Nos kier yama e tim tèkniko di FKP huntu ku e kontratista masha danki pa e trabou inmenso ku nan ta hasiendo, apesar di tur e kontra-tiemponan ku nan ta topa den un kalor imenso.
Remodelashon kantor FFP
Servisio na Kliente
E aspekto di mas importante pa FFP ta e dunamentu di servisio na kliente.
Pa hasi esaki bon, nos kier prepará bon i tin tur dokumentashon, formulario i formanan kaminda kliente por tuma kontakto ku nos bon reglá.
Apesar ku nos edifisio no ta kla ainda, nos kier kuminsá aserka klientenan pa informá ku nos ta bai kuminsa duna Fiansa i Hipotek atrobe.
Pa esaki nos tin nos:
- number di telefòn kla kual ta: 4326600
- e-mail di ffp ta aksesibel: info@ffp.cw
- FFP tin un Landingspage ku pronto lo bira un website: www.ffp.cw
- Formulario pa pidi sita digital ta kla.
- Formulario pa registrashon ta kla.
- Tambe nos tin nos foyetonan di informashon kla.
Promé ku nos sali afó ku e promoshon, nos kier duna koleganan di FKP e oportunidat di registrá i apliká pa sea un Fiansa pa drecha Kas of un Hipotek pa Kumpra o Traha nan propio kas.
Den e foyetonan adhunto ta haña tur informashon nesesario.
Foyetonan FFP
- brochure_ffp_fiansa_pa Drecha o Renobá_bo_kas.pdflink to pdf file9,3 MB
- brochure_ffp_fiansa_pa Traha_o_Kumpra_bo_kas.pdflink to pdf file1,3 MB
Download and open a document
A pdf file can be viewed in various PDF readers, such as Adobe Reader.