Funshon temporal pa Hefe "Accounting & Rapportage"
Entrante 22 di yüli último, FKP tin un Hefe temporal pa e
Departamentu di "Accounting & Rapportage"
Entrevista ku Richard Willems
Nos kolega Suparmy Goeloe a tene un entrevista ku Richard Willems pa nos sera konosi mihó kuné.
- Ken ta Richard Willems?
Richard ta un gai mané bo ta mir’e. Trankil, i gusta ta den kompania di su ser kerí nan.
E gusta hasi su jokes nan pero ta serio ora mester ta.
- Konta nos algu di bo background akadémiko i bo karera te awor.
Mi a kaba mi estudio HBO na Hulanda. Nòmber di e opleiding ta Financial Services management ku specialisatie den treasury management I financial planning. Tambe mi a logra diferente vak universitario manera Management and Organization, HRM, Operations Management, Management information systems etc. etc.
Promé di a bin FKP mi a traha den sektor bankario tambe na kompania di seguro.
- Splika bo funshon den FKP.
Te ku awor aki mi tabata fungi komo Sr Medewerker di Financiële Administratie.
Mi tabata enkargá gran parti ku pagamentu di faktura i tambe kontrolá ku e boeking/gastu nan ta subi e grootboekrekening nan korekto di FKP.
Esaki ta hopi importante pa ora mester saka management rapportages por ehèmpel. Pa nos sifra nan ta up to date I korekto.
Aparte di esaki tin hopi tareanan ad hoc ku mi ta hasi.
Awor aki mi ta wak pa dilanti ku hopi entusiasmo pa e reto nan ku lo bin ku e funshon di Hoofd Accounting and Rapportage.
- Konta kon bo ta eksperensiá bo trabou den FKP i ki ta bo perspektiva den bo funshon aktual.
Mi trabou ta unu dushi ku ta pidi di mi pa ta skèrpi na tur momento.
Esaki ta pa evitá ku ta hasi pagonan dòbel por ehèmpel òf ku gastu nan ta bai riba e grootboekrekening robes den nos administratie.
- Kiko ta duna bu satisfakshon den bo trabou.
Ora mi ta haña mi ku kasonan kompliká pa nos solushoná.
Manera por ehèmpel nos a haña nos ku proyekto nan nobo i mester sa unda tin ku aloká esaki nan den nos bukinan.
I ku na final di dia, ku un bon teamwork, nos a resolvé tipo di situashon nan asina.
- Un fun fact tokante Richard Willems.
Mi ta gusta kanta den departamentu ora nos ta den situashonnan di tiki tenshon,
pa asina trese tiki alegria den departamentu.
Nos kier desea Sr. Willems Vishon i Pasenshi pa e reto nobo aki den su karer, tur klase di èksito pa futuro.
Laga nos tur duna di nos parti pa apoyé i kontribuí ku e por ehekutá su funshon lo mihó ku ta posibel.
Huntu nos ta traha na bienestar di nos klientenan i na progreso di FKP.