Funshon temporal pa "Manager Corporate & Financial Support Services"
Entrante 1 di apel último, FKP tin un Manager temporal pa e Departamentu di "Corporate & Financial Support Services"
Entrevista ku Richelangelo Fecunda
Nos kolega Suparmy Goeloe a tene un entrevista ku Richelangelo Fecunda pa nos sera konosi mihó kuné.
Mi nòmber ta Richelangelo Fecunda, pa mas fásil mayoria hende ta yama mi Angelo.
Mi tin 38 aña di edat mi ta kasa i ta Tata di 2 yu.
Komo estudio sekundario mi a bishita Radulphus College VWO despues di terminá esaki mi a biaha pa Hulanda i studia na Erasmus Universiteit na Rotterdam. Aki mi a sigui i finalisá mi estudio universitario den Economics and Business Economics ku minor den Forensic Accounting. Despues di esaki mi a regresá Kòrsou huntu ku mi famia pa kontribuí komo profeshonal na e merkado laboral.
Den mi funshon aktual na FKP esta Manager Corporate and Financial Support Services mi tarea prinsipal ta pa kordiná asuntunan finansiero i guia departamentu di ICT, FA, Archief, Incasso i Facilitair.
Mi ta eksperensia e funshon komo unu “challenging” pero hopi dushi, sigur mirando kuantu potensial tin den e kompania, ta un sintimentu hopi agradabel pa mira ku tin empleadonan kapas i dispuesto pa traha na adelanto di e kompania.
Un ‘fun fact’ di imi ta ku mi gusta planta i ta dediká mayoria di mi tempu liber na esaki.
Nos kier desea Sr. Fecunda Vishon i Perseveransha pa e por entamá e reto nobo aki ku tur klase di èksito.
I laga nos tur duna di nos parti pa kontribuí pa e por ehekutá su funshon lo mihó ku ta posibel.
After all, nos tur ta traha pa e mesun FKP.