Hefe Suplente fiho pa afdeling Juridische Zaken en Compliance
Entrante 1 di Ougùstùs último, Elrick Quiñones a wòrdu nombrá komo Hefe Suplente fiho pa e afdeling Juridische Zaken en Compliance.
Entrevista ku Elrick Quiñones
Nos a tene un entrevista ku Elrick Quiñones pa nos sera konosí mihó kuné.
- Ken ta Elrick Quiñones?
Manera ta konosí kaba, mi ta yu hòmber di Eugenie Quiñones ku a laborá kasi 40 aña na FKP.
Mi mes ta un persona si bo wak al primer instante hopi trankil i tin bes ta kom over hopi serio. Pero mi tin parti nan tambe di mi karakter ku mi por ta hopi presente i lo bo tende di mi sigur si mi sa mi ta korekto.
Mi ta hopi down to earth i semper por aserká mi pa kiko ku ta. Banda di esei mi ta un persona sosial tambe i ku ta habrí semper pa drenta den un diálogo riba kualke tema ku ta.
- Konta nos algu di bo background akadémiko i bo karera te awor.
Bon mi a studia Nederlands Recht na Radboud Universiteit Nijmegen na Hulanda.
Despues di a finalisá e Bachelor na universidat mi a sigui ku e Master i a spesialisá den Burgerlijk Recht.
Mi a finalisá mi Master tésis den Arbeidsrecht.
Banda di esey mi kuríkulo universitario i spesialisashon ta konsistí di diferente materia manera e.o: contractenrecht, huurrecht, verzekeringsrecht, ondernemingsrecht I tambe internationaal privaatrecht si mi por nombra un par.
Mi a traha un temporada na Hulanda i na 2015 mi a haña e oportunidat pa bin traha na FKP den Departamento Hurídiko.
- Konta kon bo ta eksperensiá bo trabou den FKP i ki ta bo perspektiva den bo funshon aktual.
Trahando riba e afdeling Hurídko bo mester tin un karakter fuerte i di por atendé ku tur tipo di kliente si bo ke pa kos kana i pa yega na un resultado ku e kliente lo bai kumpli ku su obligashon di pago.
E no ta fasil sigur paso tin bes e situashon di e afdeling por bira basta kaótiko i kliente nan mas i mas ta buska nan derechi si mester.
Tambe kliente nan ta bin ku problemanan di tal ekstremo ku tin bes no tin solushon al instante .
Pero no opstante esaki tur dia di nobo ta traha duru pa por yega na solushon i kobransa di debenan atrasá.
FKP ta ofresé un produkto hopi esensial den nos komunidat i mi ta wak e funshon nobo aki komo un reto i ku sumo plaser lo mi sigui traha na bienestar di e kompania aki i sigui pusha pa e kompania aki sigui ku e derechi di eksistensia.
- Splika bo funshon den FKP.
Mi a drenta FKP i tabatá ehersé e funshon di juridische medewerker.
Mi ta atendé tur asuntu di FKP ku tin di haber ku e kliente den e fase final pa tantu FKP komo FFP.
E kliente ku fiansa na FFP ku no kumpli ku su pagonan por resultá ku nos ta hiba e kas na findishi òf nos ta pidi un ontruiming na korte si e kliente di FKP no kumpli ku su pago di hür.
A partí di esaki nos ta atendé tur asuntu hurídiko di FKP/FFP, manera problema di illegale huurders i tambe preguntanan ku sa bini di instansia di Gobièrnu manera VVRP i SOAW i abogadonan.
Tambe nos ta suministrá nos koleganan interno tambe ku kualke advies hurídiko riba kualke tereno en kuestion. Pa kualke disputa entre e kliente i FKP/FFP nos sa bai korte tambe pa representá e organisashon.
Despues di a konosé e organisashon mas di aserka i a sigui un opleiding interno bou di mi Hefe Sra. Jesika. de Windt
per 1 mei 2021 mi ta ehersé e funshon ofisial di Hurista na FKP.
Mi lo asistí Sra. de Windt riba e afdeling Hurídiko.
E funshon aki sigur lo trese aun mas responsabilidat pero sigur mi ta kla pé!
- Kiko ta duna bu satisfakshon den bo trabou.
Manera mi a splika anterior riba nos afdeling tin bes ta notisia malu so ta duna si dado kaso no yega na un entendimentu ku e kliente.
Pa ami ta un satisfakshon enorme ora mi trata di resolvé un kaso kaminda mi a skapa ku e kliente lo por a pèrdè su dak riba su kabes.
Òf tin bes ora klientenan ku nunka ta tuma nan responsabilidat pa ku pago ta kambia nan mentalidat i ta kuminsá paga nan debe. Ta un satisfakshon enorme ora mi por a kontribuí ku esaki.
- Un fun fact tokante Elrick Quiñones.
Esun ku no sa ainda mi gusta kushiná manera mi tata i te ainda tur esun ku a purba semper ta bisa ku e ta smak bon!
Nos kier desea Sr. Elrick Quiñones hopi perseverasha i èksito den e parti di e funshon aki.
Laga nos tur duna di nos parti pa apoyé i duna di nos banda pa kontribuí ku e por ehekutá su funshon lo mihó ku ta posibel.