Kampaña "Mi Debe" di FKP
Nos kier duna oportunidat na tur kliente ku tin un debe atrasá pa registrá esaki awor pa huntu yega na un areglo kon pa eliminá e debe aki.
Na e momentu aki, FKP ta konfrontando un retraso den hür di varios habitante, ku a yega un ektremo alarmante i esaki ta impedí FKP di hasi su trabounan pa habitantenan eksistente i tambe esnan ku ta wardando pa haña un kas.
Maneho di kobransa mas estrikto
Den kuadro di un maneho nobo i palabrashonnan hasí ku Gobiernu pa un maneho mas estrikto pa loke ta kobransa Fundashon Kas Popular a kuminsá un kampaña kaminda kliente ku tin debe atrasá por registrá pa yega na un areglo kon pa atendé e debe aki.
Plan di kobransa
For di aña pasá a lanta un Tim di Kobransa ku a traha un proposishon kon pa atendé ku e situashon alarmante aki.
Nan a traha un dokumento kaminda nan ta duna un bista di e totalidat di debenan i kuantu tempu e debenan aki tin.
For di esaki nan a traha un proposishon kon pa yega na diferente areglo ku kada situashon.
Kampaña di merkadeo pa plan di kobransa
E Tim a aserka Departamento di PR & Marketing pa bin ku un kampaña di merkadeo pa logra e klientenan aserka FKP pa un areglo di pago pa atendé e debe atrasá.
A traha un plan i ya nos por a mira e promé parti di e plan aki kual ta un spòt kaminda ta ilustá e situashon i pa krea konseshi i un base di komprenshon ku pagamentu di hür ta un obligashon i un responsabilidat ora bo ta biba den un kas di hür.
Awor ta bai pa e di dos fase kaminda ta bai enkurashá esnan ku tin un debe atrasá pa registrá esaki promé ku 1 di òktober pa asina yega na un areglo di pago.
Pa duna informashon i tambe pa splika pakiko ta importante pa regitrá e debe atrasá, nos a krea un programa kual lo pasa na e diferente planta di televishon.
Huntu ku esaki ta lansa tambe un spòt nobo kual lo sigui pasa na radio i televishon pa sigui enkurashá e klientenan pa regitra nan debe atrasá.
Spot 'Registrá bo debe atrasá"
Programa "Regitra bo debe" di FKP
Programashon di e Programa
E programa lo pasa:
- Djarason 4 di ougustus
na TV Direct 13 despues di Notisia
- Djawebs 5 di ougustus
na DCTV depues di Notisia Estelar
- Djabièrne 6 di ougustus
na TeleCuraçao depues di TeleNotisia
- Djarason 4 di ougustus FKP lo ta den e programa
Mainta di TVDirect 13 i - Djabierne 6 di ougustus den
Moru Bon Dia di TeleCuraçao
App pa "Atende bo Debe di Hür"
Tambe nos a krea un App kaminda e kliente por registá pa yega na un areglo di pago.
E registro di e kliente lo bai den un spreadsheet kaminda e Tim di Kobransa por hasi analisis di esnan ku ta registrá.
Nos kier pidi tur empleado pa sostené e kampaña aki dor di indiká esnan ku bo sa ku tin un debe di hür na FKP pa nan registrá,
E link pa e regitro ta riba nos website via https://www.fkp.cw/mi-debe tambe via Facebook i Instagram.
