Plan di Kalamidat FKP

Kiko tin ku hasi ora tin un kalamidat?

Na momentu di un kalamidat tur hende mester bandoná e edifisio mas lihé posibel. Ta importante pa sigui e instrukshonnan di e BHV's (Personal di respuesta na emergensha di kompania)

Bai ku bo asuntunan personal manera, telefòn, ID, yabi i sèn.
No sera portanan na yabi, pa asina gruponan di asistensha o reskate por drenta i buska si tin hende a keda den e edifisio.

Den kaso di evakuashon tin 2 punto di enkuentro pa personal:

1. Pa e personal ku ta resortá bou di Direktor Arthur Con :
   Mashe Nobo (ronde markt)
2. Pa e personal ku ta resortá bou di Direktor Peter Bongers:
   Edifisio di Bibloteka Públiko

Kada hefe di departamentu tin ku kontrolá, si tur ku ta den su departamentu ta huntu na e puntu di enkuentro.

BHV's tin ku kòrta suministro di koriente prinsipal (esaki ta tras di werklplaats / magazijn). Nan mester inspektá si tur hende a sali for di e edifisio tanten ku nan mes no ta kore peliger.

Despues di e inspekshon aki nan mester reuní na parti dilanti di e edifisio i no laga ningun persona mas drenta e edifisio.

Den kaso di kandela chikí, trata di paga e kandela ku aparato di paga kandela, mester keda parti dilanti di e edifisio te ora polis, brandwer i/o ambulans yega. Informa grupo di rekate/outoridat kompetente di e situashon.

Preparashon & Prevenshon

Pa por prepará pa un eventual kalamidat ta tuma e siguiente pasonan:

• Personal di Respuesta na Emergensha di Kompania (BHV's) a wòrdu apuntá i ta haña entrenamentu serka "Opleidingscentrum De Ruyter"
• Lo entrená ku aktividatnan di paga kandela.
• Ta hasi entrenanmentu di EHBO
• Periodikamente ta entrená ku senarionan di evakuashon

Tambe lo tene bista kontínuo riba aksesibilidat di vianan pa skapa i transparensha di e edifisio. (no por plak i tapa benta i portanan)

Lo kontrolá instalashonan di alarma di kandela (Kompania Indel ta yuda ku esaki (tel .+7371000)

Kada 6 luna lo kontrolá e detèktornan di huma (Kompania Catis ta yuda ku esaki (tel 8683596). Tambe lo kontrolá e aparatonan di paga kandela.

Brandwer o un eksperto di prevenshon di kandela lo hasi un inspekshon periodikamente.

Otro medidanan di prevenshon lo ta:

• Departamenu di ICT periodikamento lo hasi testnan di backup i rekuperashon.
• Departamentu di Facilitair lo hasi mantenshon i servisio na e instalashonan di Erko periodikamente.
• Maneho di FKP lo trata pa redusí kantidat di papel den e edifisio dor di digitalisashon.

Komunikashon

Lo transmití informashon den gruponan di departamentu segun e repartishon  bou di kada direktor.

Tambe lo komuniká ku tur hende via de e gruponan di Whatsapp:

• Kalamidat FKP
• Management Team
• FKP Hoofden & Staf

Bo por lesa mas informashon den e dokumento anekso.

E Plan di Kalamidat aki a bira vigente dia 29 di mei 2023.