Prosedura di KYC (Know your Costumer)
Dokumentashon di Compliance partidonan externo
By: Melanie van de Meent
Mi ke rekordá tur hende riba e importansia di tene nos na e prosedura di KYC (Know your Costumer)ora ku nos ta traha ku partidonan eksterno. Komo parti di nos esfuersonan pa kumpli ku reglanan, ta importante pa nos sigurá ku tur dokumentashon nesesario ta na lugá ora di envolví entidatnan eksterno.
Pa partidonan eksterno ku nos ta traha regularmente kuné òf pa proyektonan (p.e. aannemers, consultants), ta vital pa nos tin tur dokumentashon na lugá. Esaki inkluí dokumentashon di KYC kompletu, kual ta yuda nos evaluá e legitimidat i integridat di nos relashonnan.
Segurando ku nos tin e dokumentonan aki den nos archivonan, no solamente ta yuda nos kumpli ku eksigensianan reglamentario pero tambe ta mitiga riesgonan asosiá ku kriminalidat finansiero manera labamentu di plaka i froude.
Ademas, pa partidonan eksterno ku nos ta traha kuné ménos frekuente òf proyektonan chikitu , tambe mester tin dokumentashon esensial.
Pa por kumpli ku prosedura di KYC minimalmente, nos mester tin kopianan di e dokumentonan di registro di kompania (KVK) i detayenan di e doño di e kompania.(kopia identifikashon). E informashon aki ta kritiko pa verifiká e status legal i struktura di e entidatnan ku nos ta envolví kuné, pa asina redusí nos eksposishon na riesgonan.
Tambe ta importante pa tene na kuenta ku no ta na komienso di e kontrato ku partidonan eksterno so tin ku tuma dokumento pero ku tin ku monitor kontinuamente i pidi dokumentashon nobo kada aña di manera ku por tin informashon aktual i registrá kualkier kambio.
Mi ta enkurashá kada un di boso pa sigurá ku e proseduranan aki ta wòrdu sigui . Tene na kuenta ku si no tin e dokumentashon nesesario pa identifiká e partido eksterno, lo no por hasi pago di e fakturanan di e partido en kuestion.
Si tin algun pregunta òf mester mas klaridat tokante nos prosedura di KYC, por fabor no duda pa tuma kontakto ku mi .