Proyekto Registrashon Kas di Pueblo
Fundashon Kas Popular ta start ku un proyekto di sondeo i registro di e kasnan di FKP i di Gobièrnu.
Fundashon Kas Popular kier informá ku entrante 23di òktober 2023 funshonarionan di FKP lo ta den nos diferente barionan pa hasi sondeo i di e kasnan di FKP i di Gobièrnu.
Esaki den e kuadro pa yega na un registro digitalisá i aktualisá.
Nos koleganan lo saka potrèt i hasi registrashon di e kas.
Esaki lo tuma lugá solamente pafó di e kas!
Nos funshonarionan lo ta rekonosibel na nan
unifòrm, vèst ku logo di FKP ku nan badge.
Den kaso ku tin duda e kliente por scan e QR code riba e badge pa konfirmashon di ken e persona ta i mas informashon di e proyekto.
Fundashon Kas Popular pa mas ku 40 aña ta manehando kasnan di pueblo, tantu di Gobièrnu komo di nos mes.
Hopi di e kasnan aki a ser trasladá for di registro di Woningbedrijf pa FKP den un tempu ku e datonan no tabata digital. Pa motibu ku segun reglanan di kontabilidat modèrno mester hasi verifikashon di dato kada tantu tempu, mester tin e registronan di e kasnan “up to date” di forma digital.
Pa e motibu aki Fundashon Kas Popular ta start ku un proyekto di sondeo i registro di e kasnan di FKP i di Gobièrnu.
E proyekto aki lo tin un durashon di mas ò ménos 3 luna.
