Risk & Compliance FKP / FFP _ Parti 1
Na Sèptèmber 2021 FKP a tene un ronda di presentashon pa introdusí e funshonalidat di Risk & Compliance den FKP i FFP. Den e ronda aki Sra. Solange Gouverneur, Manager na ARCAS a duna un splikashon di kiko ta Risk & Compliance i kiko lo e nifiká pa FKP i FFP.
Promé di diferente publikashon
Den e diferente edishonnan tokante Risk & Compliance ku nos lo pone riba bo Intranet nos kier trese e diferente partinan di e presentashon na papiamentu pa asina bo tin un mihó komprenshon di e materia aki.
Esaki ta importante, ya komo ku introdukshon di Risk & Compliance na FKP i FFP ta impliká tambe un kontrol mas estrikto riba kumplimentu ku regla i regulashonnan i tambe ta importante kon nos ta mantené nos na e balornan, prinsipionan i e étika ku FKP ta para pe.
Esaki ta konta pa tur hende sea kual sea bo funshon o posishon den FKP / FFP.
Risk & Compliance?
Kiko ta Risk & Compliance?
- Maneho di Riesgo ta un proseso kontinuo, kaminda ta identifiká riesgo i ta balota nan balor. (chèns i impakto)
- Compliance ta e seguimentu di reglanan i ordenansanan (nashonal i internashonal), alaves operá di forma konforme e normanan i reglanan ku e organisashon mes a pone pa su mes.
Kodigo di Kondukta (Code of Conduct)
Huntu ku esaki FKP / FFP ta introdusí un Kodigo di Kondukta, kual nos lo atendé den un proksimo edishon.
Pero importante pa nota ta ku den e dokumento aki FKP ta habri ku un "Deklarashon General di Prinsipio"
den kual e ta deklará ku FKP ta bou di supervishon di Financial Intelligence Unit Curaçao (FIU) i pa tal motibu mester promové un orgnizashon étiko. Esaki ta nifiká ku FKP mester atené su mes na:
- Legislashon
- Regla i Regulashonan interno
- Regulashonnan i reglanan di FIU i
- Reglanan di kondukta no skibi ku ta sosialmente akseptabel.
Nos lo splika mas di esaki den e próksimo edishon.
Dikon Risk & Compliance?
E kumplimentu ku reglanan i ordenansa preskribí ta yuda organisashonnan protehá nan mes di diferente sorto di riesgo.
Mientras ku Maneho di Riesgo (Risicobeheer) ta proteha organisashonnan di riesgonan ku por hiba nan na no kumplimentu di regla i ordenansa.
Ehempel: Landsverordening Identificatie bij Dienstverlening (LID) en Landsverordening melding ongebruikelijke transacties (LvMot)
Artikel 1
- Compliance ta yuda pa realisá un forma di operá konfiabel (íntegro).
- E ta evitá un gastu inesesario ora ningun hende no ke pèrde kara.
Polítika di atendementu di reklamo (Complaints handling policy)
E Polítika aki ta basá riba un regulashon di CBCS (Centrale Bank van Curaçao en St. Maarten) enkuanto atendementu di keho dor di (recht)personen ku ta bou di supervishon.
E ta pa promové merkadonan hustu i transparente, e meta ta pa fortalesé e konfinsa di e kunsumidó.
Compliance vs Integrity
"Compliance" ta basá riba e echo ku un organisashon ke evitá sankshonnan legal,
kaminda "Integridat" ta ankrá den e konsepto di maneho propio di akuerdo ku un set di prinsipoinan ku ta guia bo.
(While compliance is rooted in avoiding legal sanctions, organizational integrity is based on the concept of self-governance in accordance with a set of guiding principles.)
