Welkom back "Fundashon Fiansa Popular"
Despues di 3 aña, Fundashon Fiansa Popular (FFP) lo bolbe
kuminsa su operashonnan pa duna krédito pa bibienda.
Banko Sentral di Kòrsou i Sint Maarten (CBCS), riba dia 23 di Mart 2023 a otorgá Fundashon Fiansa Popular (FFP) un konseshon nobo.
FFP, un entidat finansiero ku for di 1980 ta ofresé hipotek, lo boble ofresé di forma aktivo su produktonan finansiero.
Di e forma aki kumpradonan di kas di klase media i mas abou, tambe por adkerí un bibienda.
FFP lo bolbe ta un aktor importante den e merkado hipotekario, pa motibu ku ta doño i inbershon den bo propio kas, ta kontribuí enfátikamente na subida di desaroyo sosial di hopi di nos suidadanonan.
E kartera eksistenté di kliente di hipotek semper tabatá garantisá di e servisionan ku FFP ta presta.
“ Nos ke gradisí nos klientenan pa e konfiansa ku nan a depositá na nos den e último periodo” ta palabranan di direktor Florentino (Boy) Overman.
Mientras tantu e renovashon di e organisashon lo ta basá riba un plan di negoshi ambisiosó pa e próksimo añanan.
“Nos lo presentá un posishon renová, un nòmber nobo, akompañá pa un identidat visual moderno pa tantu nos klientenan aktual komo di futuro.
E servisinan lo ta mas digitalisá i aksesibel. “Pronto klientenan lo por haña un indikashon inisial di e opshonan pa finansiamentu i tambe lo por traha sita riba nos website nobo.
Durante e temporada di preparashon pa e re-inísio por tuma kontakto ku FFP via telefòn 525 7522 ku Sra. Suparmy Goeloe o via E-mail: info@ffp.info.
